Galicia en goles: Programas 31 - 03 - 2007 e 01 - 04

Boas de novo. Neste fin de semana que precede a unhas merecidas vacacións de semana santa estamos preparados para desfrutar do deporte, da emoción, dos goles........de Galicia en Goles.

E comezamos repasando o partido da selección española do mércores. España venceu a Islandia en Mallorca pola mínima (1-0) cun gol de Iniesta. Os de Luis sufriron para vencer aos islandeses que se dedicaron a pecharse na súa propia área.

Iso foi o máis destacado da semana....e agora pasamos a repasar o máis destacado do sábado en canto aos equipos galegos.

No apartado de fútbol sala tivemos un auténtico partidazo no Sar entre os dous últimos campións da Copa. O Lobelle de Santiago empatou ante o todopoderoso Interviú (1-1)

Peores novas chegaban dende Benicarló cunha derrota inapelable do Azkar ante os locais (4-1).

Tamen vivimos toda a emoción do basket feminino coa vitoria do Extrugasa sobre o Gran Canaria (75-61) e as derrotas do Celta ante o Burgos (46-57) e a do Ensino de Lugo ante o Barcelona (69-95).

A xornada en primeira comezou na Cartuja polo tres partidos de peche que ten o Ruiz de Lopera tralos incidentes da Copa. O Vilarreal adiantouse 3 veces no marcador, pero os do Machote igualaron sempre o encontro (3-3).

Dende as oito en Mestalla vivimos un partidazo coa vitoria pola mínima do Valencia ante o Español (3-2) nun partido que tivo de todo, pero no que sobre todo ollamos bo fútbol.

Tamén a esa hora a Real colleu un pouco de aire e de esperanza no seu intento desesperado por salvarse coa súa vitoria pola mínima ante o Levante de Abel.

E dende as 22:00 h o partido da xornada entre o Barcelona e o Deportivo. Os locais dominaron os primeiros 45 minutos e cun gol de Messi xusto antes do descanso adiantáronse. Na reanudación Eto'o parecía que sentenciaba o encontro pero 8 minutos despois Adrián daba esperanzas ao Depor (2-1) pero solo foi un espexismo xa que o Barça tivo máis ocasións e solo no último treito do encontro o Depor tivo algunha ocasión de igualar.

E así rematou este sábado e con el o mes de Marzo. E comezamos abril repasando os resultados na segunda B nesta mañan de domingo.

O Lugo lograba unha vitoria a domicilio ante o Cobeña (0-1). Peor lle foron as cousas ao Racing no 2º estreo dos Veigas logrando un empate na súa visita ao Pájara Playas (0-0).

Tamén hoxe tivemos fúbol sala nas Travesas pero non nos chegaron boas novas xa que o Cometal Celta errou ante o Caja Segovia (2-3)

Pola tarde vivimos un derbi galego no Couto que rematou cunha vitoria do Pontevedra sobre o Clube Deportivo Ourense (0-2). Grandes novas chegaron dende Puertollano cunha importantísima vitoria do Celta B (1-2).

Na xornada de primeira e dos encontros das 5 destacamos un partidazo que estivo superigualado pero que remata por afundir ao Athletic de Bilbao a costa do Racing de Santader (5-4) é verdade....non estamos de coña.

Dende as sete e en Balaídos o Celta buscaba fuxir do descenso ante o Madrid. O partido comezou mal para os celestes cun gol de Van Nistelrooy de penalti, pero antes do descanso chegou a igualada celtiña por medio de Ángel. Na segunda metade o Celta deulle un baño aos brancos que se levaron o partido de sorte nos últimos minutos cun gol de Robinho (1-2).

E dende as 21:00 e para pechar a xornada o Sevilla buscaba seguir a estela do Barça, pero non foi quen de marcar no Reyno de Navarra e tívose que conformar cun empate sen goles (0-0).